Свае дзверы шчыра адчынiла,
        Каб сяброў цяплом лагодным абагрэць:
        Ветлiва ў госцi запрасiла
        Цiхiх Смiлавiчаў сцiплая мячэць.

        Скончана ў вечары малiтва,
        Джамаат сяброўскi выстаяў Iша,
        Новы дзень сустрэне словам Зiкра
        I ўсхвалiць Бога вернiка душа.

        Адчыніўшы сэрца для Іслама,
        Шчырая душа жадае паглядзець,
        Як на гукi яснага Кур’ана
        Ноччу прыляцяць анёлы ў мячэць.

        Ранiцай ізноў чакаюць справы,
        Каб дастойным шляхам веру памнажаць,
        Не імкнуцца вернікі да славы –
        Новую сустрэчу будуць рыхтаваць.

        Будуць шчыра дзверы адчыняцца,
        Каб сяброў цяплом лагодным абагрэць,
        Каб Аллагу верна пакланяцца –
        Есць у Смiлавiчах сцiплая мячэць…

                            Дзмiтрый Спруць
                             20,24.05.2008

Скачать в: Ляйлят-уль-Кыям у Смiлавiчах.doc